Kami na lang dalawa ni Travis ang naiwan sa loob ng k'warto ni Sofie dahil pinauwi ko muna ang aking mga magulang at si kuya Isaac para makapagpahinga, babalik na lang sila bukas para dalawin si Sofie. Nakaupo naman si Travis sa kama ni Sofie at marahang hinahaplos ang mukha ng kan'yang anak. Ramdam ko ang pagkasabik niya sa aming anak na halos apat na taon kong itinago sa kan'ya. May karapatan s'yang magalit sa'kin dahil sa hindi ko kaagad sinabi sa kan'ya ang totoo, lalo pa't nalaman kong hindi pala n'ya ako niloko. Nakaupo lang ako sa gilid at pinagmamasdan silang mag-ama, tiyak matutuwa si Sofie kapag nagising na s'ya at malaman niya na si Travis pala ang daddy niya. Dumako naman ang tingin niya sa akin at napaiwas naman ako, hindi ko alam kung ano ang sasabihin ko sa kan'ya. Alam ko s
