France Christine Mondragon’s POV
Ilang beses kong sinubukang tawagan si Jaime upang kausapin ito. Simula nang lumabas ang balita tungkol sa kasal niya ay hindi pa rin kami nakakapag-usap. Natagpuan ko na lamang ang sarili ko sa airport. Kailangan kong makita si Jaime. Kailangan ko siyang makausap at hindi sapat ang tawag o video call.
Nakapila na ako ngayon sa check in counter nang marinig ko ang boses ni Kuya Matt.
“France!” Malakas nitong sigaw sa pangalan ko. Mga ilang metro din ang layo nito sa akin kaya nagtinginan ang mga tao sa kanya.
Mabilis itong naglakad patungo sa akin at hinila ako pati na ang bagahe ko.
“Are you out of your freaking mind?” galit na galit na tanong nito sa akin.
“Pupunta ka na naman ng Spain? Nawawala ka na ba sa sarili mo? Can’t you see what that guy ha
