CHAPTER 25
BIGLANG LUMUNGKOT ang mukha ni Nikolas dahil ayaw niyang pabayaan ang mga kasama niya sa labas. Paano na lang kung dumating ang mga halimaw at tangayin sila? Napailing na lamang si Nikolas dahil sa bagay na tumatakbo sa isip niya.
“Bakit hindi na lang sila dumaan sa triage? Madali lang naman ang screening do’n.”
“Hindi sila taga rito kasi... wala silang maipapakitang identity.”
“Okay lang naman ‘yon basta may fingerprint. Hindi naman gaanong ka-strikto sila dito.”
“Hindi mo ako maintindihan, Gael. Wala silang record dito sa mundo natin.”
Nagsalubong ang kilay ni Gael sa narinig niya. Paanong walang record ang kasamahan ni Nikolas?
“Ano ang ibig mong sabihin?” naguguluhang tanong ni Gael.
“Mahirap ipaliwanag, Gael.”
“Ipaliwanag mo sa akin para maintindihan ko.”
Matalik
