Chapter Thirteen
Halatang gustong magtanong ni Governor Rusco sa akin habang tahimik akong kumakain. Pero mas pinili nitong itikom ang bibig. Naupo na lang ito at nagmasid.
"Gov, sino nga ulit iyong kikitain mo roon sa hotel?"
"Pinsan ko, si Xavi. Naroon siya dahil birthday ng cousin niya sa mother side. Kikitain ko sana siya roon." Dinampot ni Governor Rusco ang phone niya na nasa table at ipinakita sa akin ang text message ni Xavi.
Xavi: "Where the hell are you?"
Xavi: "Nandito na ako sa labas ng hotel. Sabi mo'y malapit ka na, Rusco?"
Rusco: "Mag-taxi ka na lang. Usap na lang tayo bukas."
Iyon ang reply ng gobernador sa pinsan niya. Na-guilty ako. May naabala pa akong tao.
"Nangako ka bang susunduin mo siya?"
"Yup! May pag-uusapan daw kami tapos ihahatid ko siya sa condo
