KINABUKASAN ng Lunes ay sumama si Maya kay Yoshin at nagtungo sa bahay ni Vladimir. After lunch na sila umalis dahil late na rin silang nagising. Nasabik siya nang makita si Aliya at doon na nakatira sa bahay ni Vladimir, na naibigay na pala nito kay Alejandro.
Nakipagtsismisan na siya kay Aliya at nag-share naman ito ng karanasan habang kasama sa bahay si Alejandro. Nasa kusina sila at tumulong siya sa pagluluto.
“Sandali, Maya, uunahin ko lang itong dog food,” ani Aliya.
Pinanood niya ito habang nagluluto ng dog food ng mga aso ni Alejandro. May alaga rin palang pusa si Aliya na puti, si Kuro. Tawa siya nang tawa habang nagkukuwento ang dalaga kung paano magbardagulan ang mga alaga ni Alejandro at pusa nito.
“Ang saya n’yo pala rito. Mabuti narito ka na para hindi napapanisan ng lawa
