MADALING araw na nakauwi si Maya dahil tumambay pa siya sa bar. Uminom lang naman siya ng cocktail at nakipag-tsismisan kay Even na nalipat na sa night shift ang duty. Kinulit niya si Craig at mayamayang tinatawagan. Sinagot naman siya nito pero atat na mabigyan siya ng target na dapat manmanan.
Tinapos muna niya ang trabaho niya kay Vladimir bago ginagawa ang utos naman ni Craig. Napadalas ang pagsama niya kay Craig para mas mapamilyar siya sa operasyon ng organisasyon ng mga ito. May branch headquarters na pala ang organisasyon nito sa Pilipinas.
Ilang beses din niyang napansin ang tauhan ni Yoshin na nakasunod sa kan’ya. At nang Biyernes nga ng gabi habang pauwi siya ay hinabol siya ng dalawang lalaki.
“P*tangina n’yo! Lubayan n’yo ako!” singhal niya sa dalawang lalaki. Pumulot siya
