PAGKATAPOS ng hapunan ay tumuloy na sina Maya at Yoshin sa bahay ni Vladimir. Isang maleta lang ang dala nila at pinagsama na ang gamit nila na good for three days. Dinala na rin nila lahat na stock na pagkain kaysa masira.
Dahil walang kotse, nag-taxi lang si Yoshin at siya naman ay dala ang big bike. Kararating lang nila sa bahay ni Vladimir ay may utos na kaagad ito.
“Ipaglaba mo ulit kami ni Annie bukas, Maya, pakilinis din ang bahay,” ani Vladimir.
“Oo ba, basta may bayad,” pilyang hirit niya.
“Of course. Magiging busy ako at si Annie, eh.”
“Walang problema. Sa gabi pa naman ang pasok ko sa bar. Mabilis lang akong maglinis at maglaba.”
“Thanks. Babayaran na kita mamaya.”
Tumuloy na siya sa kusina at ipinasok sa ref ang dala nilang karne at isda, maging mga gulay. Puro ground b
