IBINUKA ni Belinda ang bibig niya para magsalita pero walang lumabas doon. Umaapaw ang emosyon ko nahatak ko iyong braso niya sa sobrang gigil ko. Pulang-pula at nanlalabo ang aking mga mata.
"Hindi na kita pagkakatiwalaan sa susunod. Makakarating 'to kay Daddy," banta ko sa kanya sabay piksi nito.
"Sige, sabihin mo. Ikaw din naman ang may kasalanan kung bakit nagkaganon si Philip!" paninisi niya sa akin.
"Ano bang gingawa niyong dalawa!" sita ni Mommy at bumalik sa loob dahil napansin yatang hindi kami sumunod.
Nagtangis ang bagang ko.
"Hindi pa tayo tapos," sabi ko at tinalikuran ko siya na may hilam ang luha.
Naglakad ako palabas nang hindi pinapansin ang mag-ina. Naroon ang SUV namin sa harap na. Nauna akong sumakay sabay hawak sa pinto.
"Sa ibang sasakyan kayo sumakay," masung
