KALIWA'T-KANAN ang katawagan ni Philip. Habang ako naman ay inabala ang sarili sa panunuod ng movies. Naghigpit sa bahay ni Philip. Hindi talaga nagpapasok maski iyong caretaker niya.
Isang linggo ang lumipas. Nagkaroon ako ng study room sa bahay niya. Virtual class na ang ginagawa ko tuwing weekdays. Ngayong weekends, tulong kami ni Philip sa paglilinis ng buong bahay dahil nga wala namang ibang gagawa niyon kundi kami.
Kanya-kanyang toka sa gawaing-bahay. Nakakatuwa nga eh kasi pakiramdam ko nagbabahay-bahayan lang kaming dalawa. Masaya manatili dito. Bukod sa hindi ko nakikita iyong mag-ina, hindi ako stress sa kanila. Palagi ko pang kasama si Philip.
"Bawal din ba um-order?" tanong ko habang naghuhugas ng plato. Si Philip ay abala sa pagwawalis ng sahig.
"Online shopping?" balik-ta
