NAPAUWI ako matapos makisingit ni Philip sa amin ni Enzo. Syempre, hindi ko p'wedeng sabihin si Gov 'yon. Kaya sinabi ko Kuya ko. Ang nakakagulat. Pinanindigan niya din talaga. Kaya nataranta at humingi ng sorry si Enzo.
Hindi naman kasi alam ni Enzo na solo lang ako. Hindi nabanggit ni Denise kahit magkaibigan sila at kami ni Enzo kailan lang naman nagkakilala.
"So... ganoon pala ang taste mo sa lalaki," bulong ni Philip matapos kong bumaba sa sasakyan niya.
"Ang alin?" Nilingon ko siya.
"Iyong lalaking ka-date mo kanina. Ganoon pala kako ang tipo mo." Nakangisi niyang sabi. Hindi ko mabasa kung anong tumatakbo sa isip niya.
"Oo ganoon nga. Salamat sa paghatid. Kumain ka kaya muna," sabi ko dahil nakakahiya naman kung hindi ko aalukin kahit snacks 'di ba. Maaga kaming umuwi, eh.
"H
