Masasabi kong' simpleng tao lang si Felix. Nakaupo ako sa upuan habang maraming pagkain sa aking harapan. Kanina tinanong niya ako kung saan ko gusto kumain pero wala akong maisagot. Bukod sa mga malalapit na karenderya ay wala na akong ibang alam na puwedeng kainan pa.
Dahil hindi ako nakasagot kanina ay dinala niya ako sa medyo malayong karinderya.
Nakita kong kilala siya ng mga tindera at panay ang tingin sa akin. Nakangiti si Felix habang nagpaalam sa kanila para umupo na sa aking tabi.
Naalala ko ang lalaking si Diego. Hindi siya matanggal sa isipan ko.
"May mga gusto ka pa ba?" tanong ni Felix. Umiling ako at tinitigan ang mga maraming gulay sa aking harapan at ang sinigang na hipon. Sa apartment niya sinigang na hipon rin ang niluto niya sa akin.
"Ayos na m-mga ito." hini
