Mhina
Mataas na ang sikat ng araw nang magising ako kinabukasan. Wala na si Daemon sa tabi naming mag-iina.
"Good morning! Good morning, mga baby ko!" Pinanggigilan ko ang mga anak kong naabutan kong gising na at naglalaro na sa tabi ko. Mabuti na lang at hindi sila gumapang sa gilid ng kama!
Ngunit napahinto ako nang mapansin kong iba na ang mga suot nilang damit at parang kay babango na nila.
"Naligo na ba kayo? Kanina pa ba kayo gising?" Ininspeksiyon ko ang mga suot nilang kay gaganda at para bang may mga lakad sila. "Bakit hindi ko man lang kayo naramdaman? Gano'n na ba ka-lalim ang tulog ko?"
"Mamama... mama..."
"Mama..."
Niyakap ko sila ng mahigpit at pinaghahalikan sa pisngi. Si Micah ay gumanti ng halik sa mga labi ko habang hawak niya ang magkabila kong pisngi.
"Oh, so sw
