Isang tawag lang mula sa kanya, kompleto na kaagad ang araw ko. Ganun ba talaga kapag mahal natin ang isang tao? Kahit na wala pa akong kasiguraduhan sa piling ni Samer, handa pa rin akong i-risk ang aking puso. Handa pa rin akong mahalin siya ng buo!
“Sana all may nobyo,” tinukso ako ni Mariz matapos kong ibaba ang awditibo.
“Si Samer ‘yon,” sabi ko sa kanya. Alam ko naman na pwede kong ipagkatiwala ni Mariz ang tungkol sa relasyon namin ni Samer. Isa pa, wala namang binanggit ang lalaki na bawal kong ipaalam sa kahit na sino ang tungkol sa amin. Pareho naman kasi kaming single, eh!
“Samer Darwish?” Nagtanong si Mariz upang makasiguro kaya tumango ako. “Di nga. Totoo?” Dagdag pa nito.
“Oo nga,” sabi ko sa kanya.
