"Zayn,"
"May kausap ka, sweetheart?" Muling tanong nito at tuluyan ng lumabas ng terrace.
Mabilis naman n'yang pinatay ang tawag ni Aldrich. Hinarap ang asawa, hindi pinahalata ang panginginig at takot na nararamdaman.
"Ah, si Manang Iska," pagsisinungaling n'ya. Paniguradong magagalit ang asawa pag nalaman nitong si Aldrich ang kausap.
"May problema ba sa bahay n'yo?" May pag-aalala sa tanong nito. Marahil narinig nito ang huling sinabi n'ya kay Aldrich. Tumango s'ya.
"What is it, sweetheart? Ang madrasta mo ba?" Magkasunod na tanong nito. Tumango s'ya at nagkibit balikat.
"Binebenta na nila ang bahay at lupa," malungkot na sagot n'ya sa asawa.
"Gusto mong bilhin ko para sa iyo?" Napaangat s'ya ng ulo sa sinagot ng asawa.
Pagdating sa pera walang problema kay Zayn. Kayang, kaya
