"Pakakasalan ka ba n'ya?" Seryoso ang mukhang tanong sa kanya ni Aldrich. Tumango s'ya agad.
'Yun naman ang plano ni Zayn hindi ba? Ang pakasalan s'ya pagkasilang ng anak nila. Panibagong kontrata na naman.
Tumaas ang malapad nitong dibdib. Saka nag iwas sa kanya ng tingin.
Hindi naman n'ya masabi kung may damdamin sa kanya ang kaibigan. Mula pagkabata magkasama na sila nito. Naging saksi si Aldrich sa masaya at masagana n'yang buhay. Hanggang sa dumating ang mag-ina sa pamilya n'ya na bumago sa lahat. Masasabi lang n'yang para na n'yang kuya si Aldrich. Kaya wala s'yang ano mang nakita sa kaibigan na posibleng magka gusto ito sa kanya.
Matapos makapag pahinga, at umayos ang pakiramdam kahit papano. Nagpaalam na s'ya sa kaibigan. Nag presinta naman si Aldrich na ito na mismo ang magh
