Mga yugyog sa balikat ang nagpamulat sa kanya.
"Sir," Tinig na naririnig n'ya.
Sa bahagyang nakamulat na mata, naaninag n'ya si Manang Mylene.
"Sir, bakit po kayo d'yan natutulog?"
"Ah?" Saka n'ya nilingon ang paligid, nasa sala s'ya ng penthouse. Kumunot ang noo n'ya. Masakit ang kanyang ulo. Saka inalala ang mga nangyari.Tila nagising ang buong diwa n'ya ng maalala ang mag-ina n'ya.
"Manang," tawag n'ya rito. Sabay balikwas ng upo sa sofa.
"Nakita n'yo po bang umalis si Megan kasama si Zaiden kahapon?"
"Hindi po, Sir. Bago po ako umalis nandito pa po sila Ma'am," sagot nito.
Nagkibit balikat s'ya at nahilamukos ang mga kamay sa mukha.
"May nangyari po ba Sir?"
Mariin n'yang pinikit ang mga mata. Saka minasahe ang sintido. Nanakit ang ulo n'ya. Pagbalik n'ya kagabi galing sa
