Mariin kong ipinikit ang mga mata ko habang nakasanding ang batok ko sa gilid ng Jacuzzi. Wala akong kahit anong suot na damit habang nakababad ako.
Biglang tumunog ang phone ko kaya kinuha ko ito sa ibaba 'di kalayuan sa jacuzzi. Pangalan ni Shanaie ang nakarehistro sa phone ko kaya sinagot ko ito.
"Hello."
"Ate, nakita ko na si Veronica."
Biglang nag-flashback sa akin ang lahat ng ginawa ni Veronica mula nang gayahin ko ang mukha niya.
"Nakilala ka ba niya?"
"Ibang mukha na ang nasa harapan niya paano naman niya ako makilala?"
"Very good, hindi ka ba nakahalata sa iyo?"
"Hindi niya mahahalata ang kung sino ako dahil ibang tao na ako ngayon. Hindi ba't pinalabas natin sa kanila na patay na tayo?"
"Yeah, pero alam mo naman malakas ang pakiramdam ng babae na iyon kaya huwag kang p
