“SABIHIN mo sa Boss mo na humarap siya sa’kin. Huwag ka’mo siyang duwag.” Pinukol niya nang masamang tingin si Axel nang pumasok ito sa dating kuwarto niya sa islang iyon.
Nagtagumpay ang mga ito na ibalik siya roon, kasama ang kaniyang asawa. Pero naiwan naman na ligtas sa Isla Bella sina Aling Rosa at Ken-Ken, pati na rin si Mang Gaston na kadarating lang nang umalis sila. Ngunit sinira ng mga kasamahan ni Axel ang mga bangka para walang magamit ang mga ito sakaling maisipan sila na sundan sa kabilang isla.
“Kung naniwala ka lang sana na ginagawa lang niya ito para protektahan ka, at hindi mo pinairal ang katigasan ng ulo mo…” Iiling-iling na tiningnan siya ni Axel. “Hindi sana aabot dito ang lahat.”
She chukled. “Sa tingin mo, paano ko paniniwalaan ang taong ni hindi kayang humarap
