HALOS pigilan ni Sky Jewel ang kaniyang paghinga habang hinihintay na sumabog ang kanilang sasakyan. Napatingin siya kay Reese na hindi rin maipinta ang mukha sa pag-aalala. Ngunti kapansin-pansin ang mahigpit na paghawak nito sa manibela.
“Sky, hold on!” malakas na sigaw nito sa kaniya.
Kaagad namang kumapit sa dashboard si Sky Jewel. At bago pa man niya mahulaan ang gagawin ng asawa ay mabilis na nitong kinabig ang manibela at pinaharurot ang sasakyan papunta urban forest. Sinalubong nito kahit ang matataas pero katamtamang laki ng mga punongkahoy. Ngunit nakatulong iyon upang hindi sila direktang tamaan ng RPG gun. Bagaman at inabot pa rin niyon ang likuran ng sasakyan pero hindi naman napuruhan ang salamin kaya ligtas pa rin sila sa mga simpleng bala na tatama sa sasakyan nila.
Napa
