NAPAHINTO sa paglalakad mula sa banyo si Reese nang madatnan niya ang kaniyang asawa na nagbibihis. Katatapos lang din nitong maligo. In fact, sabay silang pumasok at naligo kanina. At hindi isang beses lang silang nagniig. Nauna lang itong lumabas dahil mas matagal itong magbihis kaysa sa kaniya. Nakatakda kasi nilang dalawin ngayon ang puntod ni Asyong.
Bagaman at simula nang bumalik sila rito sa Hacienda Ramona ay halos araw-araw na nilang dinadalaw ang puntod ng kanilang yumaong kaibigan. Hindi rin sila nakakalimot na magdala ng mga paboritong pagkain nito. Sila na rin ang madalas magpalinis at magpaganda ng puntod nito.
Espesyal lang ang araw na ito dahil death anniversary ng matalik niyang kaibigan. Bagaman at sa araw din na ito ay bumalik ang sakit na naramdaman niya noong namatay
