NA’NG maibigay n’ya sa ‘kin ang long dress na pantulog, naki-gamit agad ako ng bathroom para makaligo. Nag-babad muna ako sa bathtub sa maligamgam na tubig. Naka-pikit ako habang dinadama ‘yon ng katawan ko at sobrang nakaka-relax sa pakiramdam. Lalo na’t may nilagay akong fruity scent sa tubig. Mamaya muna ako mag-s-shower dahil trip kong mag-lublob ngayon. Nakakalimutan ko saglit ang mga problema ko.
Kung titignan ng maigi, parang mas magara at malawak pa ang bathroom n’ya kaysa sa ‘kin. May malaking bintana sa likuran ko pero may pulang kurtinang naka-harang.
Ang sink, nasa kaliwa banda ng bath tub. May isang pintuan pa ro’n sa gilid ng pader at doon ko nakita ang inidoro kanina. Tapos ang shower naman, naka-p’westo sa kanan. May dalawang maliit na chandelier pa rito sa loob. Ang isa,
