PAGKATAPOS n’yang banggitin ang mga salitang ‘yon, bigla n’yang hinablot ang purple paper bag. Mabilis s’yang humakbang sa aking gilid na dinaanan n’ya kanina. Naramdaman kong may kaunting hangin na dumampi sa aking katawan nu’ng nilagpasan na n’ya ako. Wala talaga akong planong kainin ang marshmallows na ‘yon. Napa-hinga ako ng marahas sabay sumandal sa sandalan ng upuan. Grabe na talaga ang pagka-diktador n’ya na wala sa lugar! Hindi n’ya talaga ako naiintindihan!
Hindi ko masikmura kapag nangyari ang gusto n’yang mangyari. He never understand me as his sister! “Sissy, may hindi ka yata sinasasabi sa ‘kin. Dumating na pala rito si Historia?” Narinig ko bigla ang boses ni Klark na naglalakad papunta sa kinaroronan ko. “Hindi ko sinasadyang marinig ang usapan n’yo. Aayain sana ulit kita m
