PAGKATAPOS n'yang pakawalan ang mga salitang 'yon, hinila n'ya ako ulit at kasabay no'n ay ang pag-tawag sa 'min nina Mama at Papa. Mabilis naming tinahak ang daan papuntang main door habang kapit-kapit n'ya pa rin ang pulsuhan ko. "L-Levai? Saan tayo pupunta?" seryosong tanong ko at dire-diretso lang ang aming mga hakbang hanggang tuluyan na kaming makalabas.
Hindi n'ya ako sinagot at halip ay mas binilisan pa ang kan'yang mga hakbang na ganu'n din ang naging galaw ng mga binti ko.
Dahil sa liwanag ng mga bulbs, napansin kong patungo kami sa kotse na naka-park sa 'di kalayuan at alam kong sasakyan n'ya 'yon. "Teka sandali nga lang. Saan mo ako dadalhin?" tanong ko ulit na halos madapa-dapa na naman ako dahil sa laki ng mga hakbang n'ya. Hanggang sa huminto s'ya sa kaliwang gilid ng kot
