Kahit papaano ay nakahinga si Samantha nang bitawan siya ni Gilbert upang sagutin ang tawag dito. Ngunit nang marinig ang usapan ng mga ito ay doon niya napagtantong may kakuntiyaba ang dating kasintahan sa pagdukot sa kaniya.
Mas lalong nanlumo nang marinig ang tinatakbo ng usapan ng mga ito.
"Kung sabihin ko sa'yong tama, dadagdagan mo ba ang huling bayad?" rinig na turan nito. Marahil ay may kasama si Gilbert upang isakatuparan ang pagdukot sa kaniya. 'Sino?' katanungang umuukilkil sa kaniyang isipan.
Ngunit nasagot ang lahat ng iyon nang muling magsalita si Gilbert.
"Relax! Relax! Kapag pera talaga ang usapan hindi ka papagulang. Sabagay, kaya nga kapit na kapit ka sa Calix na iyon dahil sa pera, hindi ba? Sino ba naman ang hindi aayaw sa lalaking nagmamay-ari ng isang sikat at ma
