YANNA
HINDI ko akalain na makakatulog ako habang galit na galit sa akin si Uncle Jaxx. Akala ko, hindi ko siya kayang tiisin. Kaya nga proud akong napangisi nang magising ako na maliwanag na sa labas.
Lumingon ako sa tabi ko.
Wala si Uncle. Maayos din ang kutson at unan. Walang bakas na may humiga sa tabi ko. Mukhang dinibdib niya talaga ang pambibitin ko sa kaniya kagabi.
Nagkibit-balikat lang ako. Kasalanan niya kung bakit nabitin siya. Hindi siya marunong maglambing. Siya ang may kailangan kaya dapat lang na matuto siyang makiusap o kahit maging mabait man lang. Time-out na muna ako sa pagiging sunod-sunuran sa kaniya.
Nakakapagod din kaya maging bida na inaapi na lang palagi.
"Saan naman kaya natulog ang isang iyon?” bulong ko sa aking sarili nang bumangon ako at nagkusot ng
