YANNA
BIGLANG NAWALA si Uncle Jaxx nang makapasok ako dito sa silid niya. Itatanong ko pa naman sana sa kaniya kung may maipapahiram pa siyang damit sa akin dahil gusto kong mag-shower. Hindi pa kasi ako nakapagpalit simula nang lumabas ako ng ospital. Damit pa yata ni Manang Ruffa itong ipinasuot sa akin ni Lola Esme. Ayoko namang bumaba muna at humiram ng damit sa kanila dahil siguradong marami silang itatanong sa akin tungkol sa amin ni Uncle Jaxx. Hindi ko lang alam kung sinabi na rin ni Lola sa ibang kasambahay na asawa na ako ng amo nila at hindi na ‘pamangkin’.
“Uncle…” mahinang tawag ko sa pangalan niya habang palinga-linga sa paligid. Nakabukas naman ang pinto ng banyo at wala akong naririnig na ano mang bakas na nando’n siya sa loob.
Naalala ko na may walk-in closet pa nga pal
