YANNA
“GUSTO kong malaman mo na hindi ko na nagugustuhan ang mga ginagawa mong ito sa akin, Yanna,” puno ng awtoridad na sabi sa akin ni Uncle Jaxx habang papunta na kami sa parking lot kung saan nakaparada ang kotse niya. Nasa unahan ko siya at nakasunod naman ako sa kaniya, “Una, pinapunta mo ako sa Mariposa at inilagay mo sa alanganin ang grupo namin ng mga kaibigan ko. Nang dahil doon kaya mapipilitan akong ipadala ka sa Benguet. Tapos ngayon, pinagmukha mo lang naman akong tanga sa paghahanap sa’yo kanina.”
Sa halip na patulan ko ang mga sinasabi niya ay hindi na lang ako umimik.
Busog na busog kasi ako dahil ako lang ang umubos ng mga pagkaing in-order ko. Hindi kasi talaga kumain si Uncle Jaxx. Nanghihinayang naman akong iwanan ang mga iyon. Utang ko pa naman sa bumbay ang pinam
