Lala's Point of View
Pinaubaya ko na kina Tatay Eros ang katawan ni Ginoong Marion. Sa lagay niya'y tiyak akong hindi na niya magagawa pang makatakas. Salamat na nga lang at naisip nilang balutin ito ng yelo. Kahit papaano'y kampante na 'ko na hindi talaga siya makakagalaw mula roon at makagagamit pa ng mahika.
Isa pang ikinagana na nasa loob siya ng yelo ay maiiwasan ang biglaang pagsabog ng katawan niya dahil pinabababa ang temperatura ng kaniyang katawan.
Ang mga kawal naman ang nag-asikaso ng kaawa-awabf Celestial Beast na dala namin. Nais kong gamutin ang kawawang nilalang na iyon at hayaang mamuhay ng normal gaya ng ibang mga kauri niya. Isa lang siya sa mga biktima ni Ginoong Marion kaya bibigyan ko siya ng pagkakataon na mabuhay at magamot.
Nang makasigurong nakaayos na ang l
