Isang masigabong palakpakan ang ibinigay ng lahat ng naroon matapos ang maikling mensahe ng kanilang mahal na reyna. Naghalo ang mga emosyon sa Arena na iyon dahil nalalapit na ang pagpapalit ng mamumuno sa kanila.
Hindi rin maitago ng dalaga ang lungkot sa kaniyang boses at ang nangingilid na luha sa magkabilang mga mata. Iiwan na niya ang tungkuling napamahal na sa kaniya sa loob ng sampung taon. Napakaraming mga bagay ang natutunan niya't nadiskubre sa sarili sa paglilingkod sa mga kauri niya at sa lahat ng nga nilalang ng kanilang mundong minamahal.
Walang naging problema sa pagbubukas ng patimpalak. Sinala nang husto ang mga kalahok. Ginawang basehan ang taglay nilang kaalaman sa pakikipaglaban at paggamit ng kanilang kapangyarihan at pisikal na lakas.
Sinigurong rin nilang walang
