"Ilang buwan na ang apo ko, hija?" tanong ni Tito Arnulfo habang magiliw na nakatitig sa akin. Nakaupo kami rito sa may sala at nag-uusap. Si Kor naman ay hindi namin kasama kaya heto at nakakapag-usap kami ng sarilinan. Lumabas si Kor saglit para bilinan ang mga bodyguard niyang sakay ng tatlong van.
Namomroblema yata siya kung saan niya patutulugin ang mga ito lalo na at isang batalyon ang dinala niya para protektahan kami kung may makatunog man na bumiyahe kami papunta rito sa amin. Gusto lang niyang maging safe kami kaya halos singkwenta katao ang pinasunod niya sa amin.
Maluwag naman itong mansion at maraming kwarto. Diskarte na nila mamaya kung paano hahatiin ang mga tauhan niya sa bawat kwarto. Tsaka kung sa pagkain, walang problema sa paghahanda ng mga pagkain ng mga tauhan niya
