UMAKYAT na ako sa 8th floor para sa unang shift ng paglilinis ko ngayong araw. Hindi naman naging sagabal ang mga cleaning cart namin dahil wala pa ang mga empleyado. Nagkanya-kanya na kaming bumaba sa mga floor assignment namin. Pagdating sa 8th floor ay bumaba na rin ako at pinarada ang aking cleaning cart.
“Good morning po,” Nakayukong bati ko sa guard na naka-duty ngayon sa 8th floor.
Yumuko rin siya sa akin. “Miss, ngayon lang po ulit kita nakita. Dalawang araw po kayong wala.” sabi sa akin ni kuyang guard.
Ngumiti lamang ako sa kanya. “Ah, may pinuntahan po ako. Nag-leave po ako ng two days.” Iyon lamang ang sinagot ko sa kanya, nag-uumpisa na akong magwalis sa lobby ng 8th floor.
Tumango-tango siya sa akin. “Oo nga pala, Miss, nakatanggap po ako ng text message mula kay Sir
