Iba lang talaga ang awra ng babaeng iyon para sa kaniya. Lalo na at kay KG na mismo nanggaling na may gusto rito ang babae na iyon.
Para hindi siya antukin ay nakipagkuwentuhan pa siya sa kawaksi nina Lolo Nolito na siyang nag-aasikaso ng mga naroong pagkain.
Isang oras din mahigit na nakatulog ang asawa ni Tami. Nang magising ito ay siya naman ang pinaidlip nito sa kandungan nito.
“Sure ka na okay na ‘yong itinulog mo?” paninigurado niya kay KG.
Tumango ito. “Nakabawi na ako kahit paano. Ikaw naman ang umidlip ngayon.” Tumayo si KG at naupo sa kabilang side ni Tami para siya naman ang makahiga at makaunan sa hita nito. “Your turn, wife.”
Hindi na siya nakipagtalo pa at nahiga na sa may mahabang bangko at umunan sa may kandungan ni KG. Tumihaya siya ng higa para makita ang guwapong mu
