“Akala ko ba, wala kang ginagawa?”
“Meron.”
“Ano ‘yon?”
“Nagpapa-sexy,” aniya na bahagya pang napangiti sa sinabi. “Baka makasalubong ko ‘yong future ko kapag nag-jogging ako sa labas bukas ng umaga.”
“Tami,” hayon na naman ang boses na nanaway ni KG. “You’re pissing me off already.”
“Oh, sorry,” labas sa ilong niyang wika. “Bakit? Wala bang nanlalanding babae sa iyo riyan? Gustong-gusto mo naman ‘yong ganoon, ‘di ba?”
“Wala. Alam nila na may asawa na akong tao. Hindi para landiin pa rito.”
Na-i-imagine niya ngayon ang mukha ni KG na walang kangiti-ngiti nang mga sandaling iyon.
“Ano ba’ng malay ko? Hindi naman tayo magkasama,” panggagatong pa rin niya sa sinabi nito. “Naalala ko lang naman ‘yong dinaluhan nating party na magkasama. Kung paaong makipagngitian ka sa ibang babae kahi
