Ang magandang umaga na ba na iyon ang simula nang mas maganda nilang samahan ni KG? Hiling niya ay iyon na nga ang simula.
“Mas magandang manood ng sunrise sa may tabing dagat,” suhistiyon pa nito.
“Paano mo nasabi? Hmmm. Siguro, nanood ka na rin ng sunrise sa may tabing dagat kasama ang ex mo,” panghuhula pa niya.
“Hindi ko pa ito nagagawa noon, Tami. Ngayon lang. And I think, mas triple ang ganda kung nasa tabing dagat tayo.”
Nangingiting itinuro niya ang dagat sa hindi kalayuan. “May dagat din naman dito. Kaso, masyadong malayo.”
“Next time, palalapitin natin,” sakay pa nito sa sinabi niya.
Mayamaya pa ay naagaw ng mga kawaksing nagsidatingan ang atensiyon ni Tami. Na para bang kinikilig pa sa naabutang eksena nila ni KG. May mga dalang pagkain ang mga ito na iniayos sa naroong la
