“Kung ayaw kong lumayo sa iyo?”
Bakit parang namemersonal pa ito? Samantalang pinalalayo lang naman niya ito sa kaniya para makakilos siya nang maayos at makaalis na roon sa may tabi ng bintana. Malamig din sa loob ng silid niya, pero hayon at nag-iinit na ang kaniyang pakiramdam.
KG naman! Baka dito pa ako sa kinatatayuan ko matunaw! sa isip ay reklamo na niya. Please, layo ka muna sa akin…
“You’re making me uncomfortable, KG,” amin na niya rito sa kaniyang nararamdaman.
Napangiti ito sa sinabi niya. “Really?”
“Hmmm.”
Hindi rin naman nagtagal ay inalis na ni KG ang mga kamay nito na nakahawak sa may pasamano at tumayo na rin ng tuwid.
Saka lang nakahinga nang maluwag si Tami. Walang imik na sinulit ni Tami ang pagkakataon at agad lumayo kay KG. Hinayon na niya ang puwesto niya sa k
