Pambihira ka talaga, KG. Hindi mo na talaga pupuntahan ‘yong pupuntahan mo para lang matulog sa tabi ko, reklamo niya sa kaniyang isipan.
Napakurap-kurap siya nang tumagilid pa si KG ng higa paharap sa kaniya.
“Will you miss me?” muli na namang untag nito sa kaniya.
Hindi ba talaga siya nito titigilan sa ganoong klase ng tanong? Para na namang may naghahabulang daga sa dibdib niya.
Kung aaminin niya na mami-miss niya ito, titigil na kaya ito sa pag-uusisa sa kaniya kung mami-miss ba niya ito kapag umuwi na ito sa Pilipinas?
Huminga muna siya nang malalim bago bumaling ng tingin dito. Nakaunan pa si KG sa braso nito habang pinagmamasdan siya. Damn for being so gorgeous, KG.
“Fine. Mami-miss kita. Satisfied?”
Parang lalong nagwala ang puso niya nang sumilay ang priceless na ngiti sa l
