Sa napakagandang ayos niya ngayon, hindi niya makita ang pa-demure na anyo ng isang Tamara Mie. Malayong-malayo sa pa-sweet na Tami. Dahil ang nakikita niya ngayon sa harap ng salamin ay ang palaban at walang kinatatakutang Tamara Mie.
“KG, maglaway ka sa babaeng pinaasa mo,” aniya na napangiti pa. Ang tanong, umepekto kaya sa asawa niya na nagmistulang yelo sa lamig sa kaniya, ang kaniyang ayos ngayon? Napabuntong-hininga siya sa bagay na iyon. “Bahala na,” sa halip ay wika niya.
Napasinghap pa siya nang makarinig ng sunod-sunod na katok sa may pinto ng walk-in closet. Ni-lock kasi niya iyon para hindi makapasok si KG matapos nito kaninang kumuha ng isusuot nito para sa party.
Kinuha na niya ang kaniyang purse na may lamang pang-retouch niya bago hinayon ang pinto ng walk-in closet.
H
