POSITIVE…
Ang salitang iyon ang nagpaulit-ulit sa isipan ni Tami na para bang isang sirang plaka. Hindi muna sila kumunsulta ni KG sa doktor katulad ng nais nito noong una. Sa halip ay pinabili muna niya ito ng apat na pirasong pregnancy test kit sa kilalang pharmacy sa lugar nila. Sabay-sabay niya iyong ginamit. At ang lahat ng test kit ay may lumabas na dalawang guhit na kulay pula.
Hindi mapaglilinlangan ng katotohanan si Tami na sa pangatlong pagkakataon ay muli siyang nagdadalang tao.
Huminga siya nang malalim, pagkuwan ay napangiti nang malapad. Niyuko niya nang bahagya ang kaniyang tiyan at hinimas-himas. Halo-halo ang kaniyang nararamdaman nang mga sandaling iyon.
“Baby number three, be healthy sa tummy ni mommy. Hindi ko pa alam kung ano ang gender mo, pero kahit ano pa, love
