RAMDAM ni Tami nang matigilan si KG nang bigla niya itong yakapin habang nagbibihis ng pantulog nito sa may walk-in closet. Naroon sila parehas nang mga sandaling iyon.
“Is there something wrong?” anito na gumanti rin ng yakap sa kaniya.
Huminga siya nang malalim. Pagkuwan ay kumalas na rin mula sa pagkakayakap kay KG. Umiling siya nang tingnan ito. “Wala namang problema, hubby. I’m just… I’m just grateful.”
“For?”
“For having our family… you and our child.” Napabuntong-hininga na naman siya nang maalala si Mavy. “Hindi lahat ng couple, nabibiyayaan agad ng anak kahit gustong-gusto na nila. ‘Yong pain ng isang asawang babae dahil hindi niya mabigyan ng anak ang asawa niyang lalaki—”
“Sandali,” ani KG na agad ibinutones ang natitira pang mga ibubutones sa damit nito. Pagkuwan ay naupo
