Abala ako sa tambak na trabaho ko sa opisina. Napuyat ako sa pagtatalo namin ni Arah kagabi kaya sa huli ay nagtungo na lang ako sa isang bar kung saan pwede akong magpakalasing hanggang sa malunod ako sa alak.
Gustong-gusto kong puntahan si Layna sa bahay pero pinigilan ko ang aking sarili dahil alam kong ayaw niya akong makita ngayon. Mas lalo lang lalala ang sitwasyon kung magpapakita ako ngayon.
Alam ko naman na kasalanan ko ang lahat at hindi ito mangyayari kung hindi dahil sa mga kapalpakan ko. Pero kahit na alam kung mali ang mga nagawa kung pasya ngayon ay paninindigan ko pa rin ang maling ito. Buhay ko ang isusugal ko sa desisyong ito at hinding-hindi ko pagsisisihan ang lahat ng mga pasya ko ngayon.
Dahil alam ko na ito na lang ang pagkakataon ko para makabawi kay Layna sa
