Paglabas ko sa building na pinagtatrabahuan ko ay hindi ko inaasahan na hihintayin ako ni Sonya.
"Layna, kumusta?!" nag-aalala nitong tanong sa akin.
Nagtataka na talaga ako sa mga kinikilos nila dahil lahat yata ng employees ay hindi normal.
Ako talaga yata ang unang masisisraan ng bait sa mga napapansin ko sa kanila.
Tumawa ako ng alanganin. "Kanina mo pa ako tinitingnan, hindi ako komportable, Sonya," prangka kong sabi sa kaniya.
"Hindi ka sinisante kaagad ni Sir Clenn? Babalik ka pa bukas?" sunod-sunod at nababahala niyang tanong sa akin.
"Oo." Tumango ako. "Hinintay mo ba ako?" tanong ko sa kaniya.
"Oo, siniguro kong ayos ka lang. Sigurado ka ba talaga? Hindi ka naiyak kanina sa loob?"
Tuluyan na nga akong natawa. "Ayos lang ako, Sonya huwag mo nga akong alalahanin. At
