Nang makauwi ako sa apartment ay hindi mawala sa mga labi ko ang matamis na ngiti. Tuwang-tuwa ako dahil sa wakas ay makapagsisimula na ako bukas.
Pagkabukas ko pa lamang ng pintoan ay nakita ko na kaagad si Kent na nakaupo sa couch. Umiinom ng alak at ang kaniyang daliri ay may nakaipit na sigarilyo. Ang kaniyang magkabilang mga binti ay ipinatong sa ibabaw ng maliit na mesa. Madilim ang awra ng kaniyang hitsura at mukhang wala ito sa hulog ngayon.
"Hindi ka umuwi sa condo mo?" nagtataka kong tanong dahil akala ko ay umuwi na ito. Ilang araw na kasi itong nanatili at hindi ko alam kung ano ba ang dahilan bakit ito nakikitira sa akin.
"Ako naman ang magbabayad ng renta kaya may karapatan akong manitili rito kung kailan ko gusto," masungit niyang tugon sa akin pagkatapos niyang ibuga a
