"Ang bait mo talaga! Thank you ha." Nasa tono ang paglalambing ng buntis.
"Hmmm... nambola ka pa!" paismid na tugon ni Marshall sabay akbay niya sa buntis at nagtungo sila sa kusina.
"Oy! Hindi ako marunong mambola totoo ang sinabi ko," depensa ni Isy.
Hanggang sa nagsimula na silang kumain at dahil pareho silang mahilig sa pakpak ay ibinigay ni Isy ang isa.
"By the way Isy, may kinausap ako na isang kakilalang private teacher. Gusto ko kahit nasa bahay ka ay ipagpatuloy mo ang iyong pag-aaral para hindi masayang ang taon mo." pahayag ni Marshall at nasorpresa si Isy.
Napahinto sa pagsubo ang buntis at yumuko ito sabay agos ng kaniyang mga luha. Mga luha dahil sa sobrang saya.
"Bakit Isy? May nasabi ba akong hindi tama?" pag-alalang tanong ni Marshall.
"No! Masaya lang ako, sobran
