KANINA pa hinihintay ni Strawberry ang kanyang asawa. Kinakusap na rin niya ang kanyang sarili na grabe namang over time ang ginawa nito. Ni hindi siya tinawagan, binilhan nga siya ng selpong mamahalin wala namang silbi. Kahit konting message lang na magsasabing mauna ka ng matulog gagabihin ako. Wala siyang natanggap kahit man lang isang miss call. Muling tumayo si Strawberry at nagpasyang hintayin si Spencer sa may veranda. Saktong bubuksan na niya ang pintuan nang bumukas iyon at iniluwa si Spencer. Kagyat silang kapwa natigilan at nagkatitigan. Kapagkuwan ay patay malisyang pumasok si Spencer at muling sinarado ang pinto. Naghubad ito ng coat and tie habang si Strawberry ay nakatingin lang sa kanya.
"Bakit gising ka pa?" tanong ni Spencer saka nagtungo sa may closet. Nakita nito ang n
