ALA SAIS ng gabi ay bumaba sina Assi at Alejandro upang magtungo sa hapag-kainan. Hawak-hawak ni Assi ang palad ng asawa habang napapaisip sa pupwede nitong gawin sa may edad ng kasambahay pagkatapos niyang ikuwento rito ang nangyari. Malinaw pa rin kasi sa kaniyang alaala ang ginawa ni Alejandro noon sa dating kasambahay na si Belle kung saan wala siyang nagawa upang tulungan ang kasambahay na napaalis nang dahil din sa kaniya. Kinakabahan siyang mauulit iyon. “Alejandro...” tawag niya sa rito habang sila ay naglalakad.
Hindi ito lumingon sa kaniya. “If you’re going to convince me about my maid, please don't.” Tila batid na batid na nito ang nais niyang sabihin sa lalaki.
Malalim siyang napabuntong hininga. Huminto sa paglalakad at marahang hinatak ang palad nito upang pahintuin din.
