BUMISITA sila sa hospital upang ipa-checkup ang dinadala ni Assi pagkatapos nitong uminom ng red wine. Nakahinga sila nang maluwag nang sinabing maayos naman ang kalagayan ng bata, ngunit nakatikim si Assi ng pagalit sa doctor na ikinakamot niya lamang sa kaniyang batok. Hindi naman na siya nakarinig pa ng kung ano mula kay Alejandro, ang totoo pa nga ay mas lalo itong naging mas maingat sa kaniya. Ang lahat ng ibinilin ng doctor ay minu-minuto nitong pinapaalala sa kaniya. Madalas silang lumalabas sa mga sumunod na araw dahil naiinip sila sa loob ng hotel.
Ipinapasyal sila ni Alejandro kung saan-saan at talagang nakatutulong iyon kay Assi, dahil gumagaan ang kaniyang pakiramdam sa magagandang view na kanilang nakikita. Napakarami niya na ngang larawan na naiipon sa kaniyang mumunting tou
