MAAGANG bumangon si Assi sa kinaumagahan at nagluto ng almusal sa ibaba. Hindi niya na ginising ang asawa dahil anong oras na itong umuwi kagabi dahil sa napakarami nitong trabaho na tinapos. Inihanda niya na ang pagkain at tinakpan muna iyon dahil wala pang bumabangon kina Myra at Alejandro. Ang ilang kasambahay naman ay gising na rin kaya pinauna niya nang mag-agahan ang mga ito. Muli siyang pumanhik sa itaas. Ala sais na ng umaga subalit mahimbing pa rin ang tulog ng asawa. Hindi siya mapakali at naiinip sa tagal magising ni Alejandro kaya naman naisipan niya na lamang maglinis ng silid. Marahan lamang ang kaniyang pagkilos dahil nabibigatan na siya sa kaniyang tiyan. Sapo niya ito habang hawak-hawak ang walis at winawalisan ang sulok-sulok sa gawi kung saan siya nagsimula.
Naalimpung
