NAGKASUNDO silang apat na magtungo sa bahay nila Simon upang doon mag-usap-usap at linawin ang balitang kanilang natanggap na talagang nakapagpagulo sa isip ng mag-asawang si Assi at Alejandro. Hindi talaga sila makapaniwala sa sinabi ni Celina na asawa nito ang kaibigan nilang abogado na si Simon. Nang makarating sa bahay ng lalaki ay titig na titig lamang si Assi sa dalawang nasa kaniyang harapan habang naghihintay ng sasabihin ng mga ito.
“We’re secretly married,” panimulang wika ni Simon at malalim na napabuntong hininga. “Celina was arranged married to me, tradisyon na ng pamilya namin iyon upang magpatuloy ang koneksyon ng kumpanya at mas palawakin pa ito.”
Tahimik lamang si Celina habang nakatitig kay Assi kaya naman bahagya siyang naiilang. Kung bakit ba naman kasi sa kaniya it
