PINAUNA munang pag-almusalin ni Assi ang anak, sinubuan niya ito. Pagkatapos ay hinintay nilang mag-asawa ang mga magulang ni Alejandro upang makasabay sa hapag-kainan. Nagprisinta na siya sa pagluluto ng agahan upang matikman ng mga biyenan. Ito ang lamang ang naiisip niyang paraan upang magsimula sa pakikipaglapit sa mga ito, lalo na at simula nang dumating ang mag-asawa sa mansion ay hindi pa sila nagkakaroon ng oras nang magkakasama. Nais niyang makilala nang lubos ang mga ito bago tuluyang bumalik sa ibang bansa. Batid niyang iyon ang tamang gawin kaysa naman sumama palagi ang kaniyang loob, dahil pakiramdam niya ay palaging kukunin sa kaniya ang anak sa tuwing hinihiram ng mga ito. Una niyang ipinatikim sa asawa ang iniluto. “Kamusta? Ayos lang ba?”
Tumango ito pagkababa ng kutsara
