WALANG PAGDUDUDA sa puso ni Assi matapos ang narinig mula sa asawa. Sunod-sunod siyang tumango habang nais isawalang bahala ang lahat patungkol sa ina ni Alejandro. Ang kanilang kasal ang nais niyang panghawakan at ang salita ng asawa. Ngunit hindi niya pa rin maiwasang mag-isip ng mga negatibong bagay. Ang masasakit na salita ng ginang ang labis niyang hindi matanggap. Datapwat batid niya sa sariling nangangailangan siya ng pera at handang gawin ang lahat upang makaraos sa kahirapan ay hindi niya ginawa kay Alejandro ang bagay na iyon. Bagkus ay naggulo na lamang ang sitwasyon at pangyayari na dapat ay isa lamang siyang surrogate mother ng anak nito, ngunit nahulog ang loob nila para sa isa’t isa.
Nagbago ang lahat at ikinasal sila nang legal. Ang buong akala niya ay tapos na ang lahat
